Project Description

വാക്കും നോക്കും

Landmarks of my Memories © അബുൽ കലാം ആസാദ് 1980 – 2000

കൊച്ചിൻ ഹാർബറിൽ കണ്ടത്
കടലിന്റെ കിനാക്കാഴ്ച!
നാരനും,പൂവാലനും
സ്കാമ്പിയും, ടൈഗറും
മലപോലെ കൂമ്പാരം
ആൾ വലിപ്പമുള്ള സ്രാവ്,
പറയോളം തടിച്ച നെയ്മീൻ,
മുറത്തോളം വലിയ തെരണ്ടി
അതിന്റെ വാലിനഞ്ചടി നീളം.
മട്ടാഞ്ചേരിയിലെ
പാവപ്പെട്ടവനും, പഠിക്കാത്തവനും
പണ്ടിവിടെ പണി
എൈസടി, വെള്ളം കോര്,
കൊട്ടപിടുത്തം…..
ഇച്ചിരി പഠിച്ചവന്
കണക്കെഴുത്ത്,ഏലം വിളി…

കക്കയും,കല്ലുമ്മക്കായും,
ഞണ്ടും,തെള്ളിയും കൊണ്ടുവന്നത്
തെക്കുള്ളവരായിരുന്നു.
അവിടം കണ്ടലും, കായലും,
ചളിയും, നിലങ്ങളും.
വഴിയും,വിളക്കുമില്ലാത്ത
കായൽ കരി നിലങ്ങൾ.
അവിടത്തുകാർ
കുട്ടകളും,പാളകളും ചുമന്ന്
നടന്നും, നീന്തിയും
കൊച്ചിയിലെ വീടുകളിലും,
മീൻചന്തകളിലും
വ്യാപാരം ചെയ്തു.
ഷാപ്പുകളിൽ
ഏട്ടക്കൂരികളെയും,
സൈബീരിയൻ കൊക്കുകളെയും,
നാടൻ കൊറ്റികളെയും
വിറ്റുതിന്നു.
തവള പിടുത്തം,ചേരപിടുത്തം,
ആമപിടുത്തം തുടങ്ങിയ ചില
പണികളും ചെയ്തു.
അവർ
ഭൂമിക്കും, കടലിനുമിടയിൽ വസിച്ചു
മണ്ണിന്റെ മക്കളെയും,
കടലിന്റെ മക്കളെയും പാടുന്ന
മലയാള സംസ്ക്കൃതിക്കിനിയും
തിരിയാത്ത കണ്ടം.

മലയാളം  വാക്കും നോക്കും

കവിതയും ഫോട്ടോഗ്രാഫിയും 25 ജൂലൈ 2017 ന് പ്രസിദ്ധീകരിച്ചു. പ്രസിദ്ധീകരിച്ച ചിത്രങ്ങളും വാചകങ്ങളും രചയിതാവിന്റെ പകർപ്പവകാശത്തിനും / അല്ലെങ്കിൽ ഫോട്ടോമെയിലിനും വിധേയമാണ്.

സമകാലീന ഇന്ത്യൻ ഫോട്ടോഗ്രാഫറും ഏകലോകം ട്രസ്റ്റ് ഫോർ ഫോട്ടോഗ്രാഫി സ്ഥാപക ചെയർമാനുമായ അബുൽ കലാം ആസാദ്. അബുലിന്റെ ഫോട്ടോഗ്രാഫിക് കൃതികൾ പ്രധാനമായും ആത്മകഥാപരമാണ്, ഒപ്പം രാഷ്ട്രീയം, സംസ്കാരം, സമകാലീന മൈക്രോ ചരിത്രം, ലിംഗഭേദം, ലൈംഗികത എന്നിവ പര്യവേക്ഷണം ചെയ്യുന്നു.

ടി.എം.ശിഹാബുദീൻ. പശ്ചിമ കൊച്ചിയുടെ ആദ്യത്തെ ഗാലറിസ്റ്റും, സമകാലീന മലയാള കവിതയിലെ ദാർശനിക കവിയുമാണ്.