വാക്കും നോക്കും

കവിതയും ഫോട്ടോഗ്രാഫിയും
ഫോട്ടോഗ്രാഫി അബുൽ കലാം ആസാദ്
കവിത ടി.എം.ശിഹാബുദീൻ

ഫോട്ടോ മെയിൽ
മലയാളം പേജിൽ
സമകാലിക ഫോട്ടോഗ്രാഫി
അതിന്റെ ചരിത്രം, സൗന്ദര്യശാസ്ത്രം
ടെക്നിക്കുകൾ, വിമർശനം, കൂടാതെ
വിവർത്തനം ചെയ്‌തു
ലേഖനങ്ങൾ പ്രസിദ്ധീകരിക്കും

Landmarks of my Memories © അബുൽ കലാം ആസാദ് 1980 – 2000

കൊച്ചങ്ങാടിയിലെ
കോച്ചാമാരുടെ
വീടുകളായിരുന്നിവിടെ
ജൂത തെരുവ്
ഇന്നിതൊരു ചന്ത
ഏഷ്യയിയിലെ
ഏറ്റവും വലിയ
പുരാവസ്തു വിപണന കേന്ദ്രം.
ആധുനികരുപേക്ഷിച്ച
പഴമയുടെ ജീവനോപകരണങ്ങൾ
കരിങ്കല്ലും,തേക്കും,
ഈട്ടിയും,വെങ്കലവും
അത്യത്നാധുനികലോകത്തേക്ക്
വിപണനം ചെയ്യപ്പെടുന്നു.

♦

ചുക്കിന്റെയും,കുരുമുളകിന്റെയും
മണമാണ്
ഇവിടെയെല്ലാം
അതിറക്കുകയും, നിറയ്ക്കുകയും
ചെയ്യുന്നിടങ്ങളായിരുന്നു
നീല ചുണ്ണാമ്പിട്ടുണക്കിയ
ചുക്കുതറകൾ,
കറുപ്പാർന്ന കുരുമുളക് പാണ്ട്യാല,
അടക്കാകളം,കയറ് പാണ്ട്യാല,
കാലിചാക്ക്കട,
മൂപ്പത്തിമാരുടെ മുറുക്കാൻ കട….
അന്യ സംസ്ഥാനങ്ങളിൽ നിന്നും
വന്നെത്തിയ
വലിയ ലൈലാൻഡ് ലോറികളും,
അതിന്റെ ഡ്രൈവർമാരും
ഈ ഇടുങ്ങിയ തെരുവിൽ
കുടുങ്ങി കിടന്നിരുന്നു.

♦

സമകാലീന ഇന്ത്യൻ ഫോട്ടോഗ്രാഫറും ഏകലോകം ട്രസ്റ്റ് ഫോർ ഫോട്ടോഗ്രാഫി സ്ഥാപക ചെയർമാനുമായ അബുൽ കലാം ആസാദ്. അബുലിന്റെ ഫോട്ടോഗ്രാഫിക് കൃതികൾ പ്രധാനമായും ആത്മകഥാപരമാണ്, ഒപ്പം രാഷ്ട്രീയം, സംസ്കാരം, സമകാലീന മൈക്രോ ചരിത്രം, ലിംഗഭേദം, ലൈംഗികത എന്നിവ പര്യവേക്ഷണം ചെയ്യുന്നു.